Poème Aclot

Djîle,

El djoû s'a skeûwi avè les roûlmints des tambour',
Du trèfond dè nos pîsintes à les kate cwins du martchi,
Les Djîles sè rachènont, ène toute pètite larme dins les îs,
Rinvèyant à coûps d' késse, les ruwèles yè les faubour'.

Rcrèssîs come des dieùs antikes, avè leûs bosses boûrdéyes d'oûr,
Les Rwès du carnèval vont d'in daler, fins bias, tous fièrs,
Grâce al cadence dè leûs chabots, nos cachî voye l'ivièr,
Djalousés pa no vî Djan...clawé al coupète d'ès toûr.

Insoûrcèlès pa ène majîye qui vi(nt) du fond des âdjes,
Leûs n-âmes infârdèléyes pal musike qui, lon, les intrin.nent,
Les Mésses dèl Fièsse vont danser, danser djusk'à pus d'alin.ne,
Pou rinvèyî ène natur' qui soktoût su d'z-autes rivâdjes.

Les Djîles vont nos scoufter 'l solèy', qu'est co 'ne miyète flastasse,
Djô ! Apèrtintayes, ramons, paniès yè chabots subtîles,
Roulez bravès tambour' yè invoyîz èl jwè du Djîle,
A tous les aclots, dmeurés dins 'l culot dè leû payasse...

Rawoul Degauquier...

gregory 1976 a écrit:salut $eb
ces du wallon de quel coin lol
tu peux mettre la traduction lol meme si je comprend une grosse partie
et j'aime toutes tes petites citation en wallon
surtout celle de l'ocha....................

gregory 1976 a écrit:salut $eb
ces du wallon de quel coin lol
tu peux mettre la traduction lol meme si je comprend une grosse partie
et j'aime toutes tes petites citation en wallon
surtout celle de l'ocha....................